Jon Jigarim [Azerbaijani translation]

Sahna ustozlar dargohi,

Yengil qadam qoʻymagin.

Sanʼatkorlik koʻp qiyin ish,

Hech osonga yoʻymagin

Aytgim kelur yurak dardim

Opa doʼstu yoraman

Haq xohlasa yoruq yuzla

Ortingizdan boraman

Tomirlarda qonimiz bir

Jon jigarim jon inim

Begonadir bunda senga

Osoyish orom tinim

Tomirlarda qonimiz bir

Jon jigarim jon opam

Yurakdan ishq kuylamoqdan

Oʻzga chora yoʻq opam

Sahnada zinhor kerilma

Bil kim yagonamassan

Adashurmiz xatolardan

Sen ham begonamassan

Andesha-yu kamtarinlik

Hayotda chin hamrohim

Xatolarni kechirmoqda

Sahna ulugʻ dargohim

Sen Oʻzbekning chin oʻgʻloni

Dildan ayro boʻlmagin

Mehr berib olqishlasa

Osmonlarda yurmagin

Yaraydurman, el koriga

Belda belbogʻim bordur

Yurt sevgisi yurt qaygʻusi

Jismu jonimga yordur

Sen et boʻlsang men tirnoqman

Ajratib boʻlmas bizni

Alloh muborak aylasin

Ezgu niyatimizni.

• Artist:Hosila Rahimova