كلي أسف [Kelli Asaf] [English translation]

أنا كلي أسف للي .. بدر مني من ألفاظي

قسيت بردة أفعالي .. وزودت العيار شوي

أنا ما جيت أعاتب .. بالملام وأفتح الماضي

مفاتيح العفو عندك عسى .. به من نصيبي شي

خذتني عزتي بإثمي .. وعينت الزعل قاضي

حكم لي بالجفا عنك .. وأنا قلبي صرخ لي عي

تحسب إني قدرت أنساك .. ترى كله حكي فاضي

أنا مقفي وفي نفسي .. أقول الله يرده لي

أنا قاعد على بابك .. الين تقول لي راضي

تبيها عام أو ليلة .. تدلل ما ورانا شي

ابقعد لين تنصفني .. وتغفر ذنبي الماضي

أفضل أخسر الدنيا .. ولا أخسرك لو شوي

حبيبي لا تعنيني .. مريض وبانت أعراضي

تعبت من الشعور اللي .. لاني ميت ولاني حي

متى ترجع سعادتنا .. وترجع شمسنا تاضي

كريم انت وأنا أستاهل .. وأكيد إنك بتغفر لي

• Artist:Abdul Majeed Abdullah
• Album:ElKhataya 3asher (الخطايا عشر) 2013