Kiosk

Är sammli für ne guete Zwäck, seit dä Fritz, wo vor mer schteit

Derby muess i sälber sammle, we das so wyter geit

Si wei alli öppis vo mer, z'Militär u z'Schtüürbüro

Obschon si erscht grad chürzlech hei my Zahltag übercho

Nachhär heisst's i myr Stammbeiz: "Du, zahl mer no es Bier!"

Aber i weis nid wohär näh, i bi ja schliesslech sälber schtier

Und da chunnt scho wider Eine, wott e Zigarette näh

Natürlech isch's my Letschti gsy, u es Füür hanem ou no gä.

Bini gopfridstutz e Kiosk?

Oder bini öppen e Bank?

Oder gsehni us wie es Hotel?

Oder wie e Kasseschrank?

Bini gopfridstutz e Kiosk?

Oder bini öppen e Bank?

Oder gsehni us wie es Hotel?

Oder wie e Kasseschrank?

Ja, da chunnt sone wilde Hippie mit gflickte Hosebei

U fragt mi überfründlech: "Säg, hesch mer nid zwe Schtei?"

U chuum zäh Meter wyter, da quatscht mi Eine aa,

Es läng em nid für z'Busbillet, öb är chönnt es Füfzgi ha.

Uni chätsche mi Chätschgummi, da lacht mi es Meitli a,

Laht d'Wimpere la klimpere u seit: "Darf i eine ha?"

Äs wüssi nid wo pfuuse, öb's vilech gieng bi mir?

Aber si hei mer doch grad kündet, i schtah sälber vor dr Tür

Bini gopfridstutz e Kiosk?

Oder bini öppen e Bank?

Oder gsehni us wie es Hotel?

Oder wie e Kasseschrank?

Bini gopfridstutz e Kiosk?

Oder bini öppen e Bank?

Oder gsehni us wie es Hotel?

Oder wie e Kasseschrank?

• Artist:Rumpelstilz