廣東花 [Kong tang hue]

金熾熾的高貴目鏡，紅色的馬靴；

雖然不是千金小姐，出門攏坐車。

無論誰人，攏是欣羨這款的運命，

誰人知影阮的運命像在枉死城。

軟綁梆的高貴衣衫，狐狸皮一領；

雖然不是真正好額，講話敢大聲。

無論叨位，攏是欣羨這款好娘子，

誰人知影阮是每日為錢在拚命。

黑暗暗的現實世界，多情人失敗；

雖然想要嫁好尪婿，又驚人抹要。

決心浸在茫茫苦海，忍氣甲忍耐，

誰人瞭解阮是每日為錢在悲哀

• Artist:Xi Qing