Kristal [English translation]

Ka kohë që s’shihemi dhe ndjej

Si të harroj unë dal’ngadal,

Si vdes tek unë kujtimi yt

Si vdesin flokët dhe gjithçka.

Tani kërkoj unë posht’ e lart

Një vend ku ty të të lëshoj.

Një strofë a notë a një brilant

Ku të të lë, të puth të shkoj.

Në s’të pranoftë asnjë varr,

Asnjë mermer a morg-kristal,

Mos duhet vallë prap’ të të mbart

Gjysmë të vdekur, gjysmë të gjallë?

Në s’gjetsha hon ku të të hedh

Të gjej një fushë a një lujnajë

Ku butësisht porsi polen

Gjithkund, gjithkund të të shpërndaj.

Të të mashtroj ndoshta kështu

Dhe të të puth e t’ik pa kthim

Dhe nuk do dimë as ne, askush

Harrim ish ky a s’ish harrim ?

• Artist:Elina Duni
• Album:Matanë Malit