L'acquaiola [Italian translation]

Ogne matina scéngo a Margellina,

me guardo 'o mare, 'e vvarche e na figlióla

ca stà dint'a nu chiòsco: è n'acquaiòla.

Se chiamma Teresina,

sì e no tène vint'anne,

capille curte nire nire e riccie,

na dentatura janca comm' 'a neve

‘ncuóllo tène 'a salute 'e na nutriccia

e na guardata d'uócchie

ca sóngo ddóje saétte,

sò fulmine, sò lampe, sóngo tuóne!

E i' giuro e ce scummetto

ca si resuscitasse Pappagóne,

muresse cu nu 'nfarto

guardanno a sta guaglióna.

Essa ha capito ca i' sò nu cliénte

ca 'e ll'acqua nun me 'mporta proprio niente

e me l'ha ditto cu bella maniéra:

"Signò, cagnate strada... i’ ‘o tèngo ‘o nnammurato

se chiamma Geretiéllo... è piscatóre.

Fatica ‘int'a paranza 'e don Aniéllo".

Ma i' niénte, tuósto córro ogni matína,

me vévo ll'acqua...

e me 'mbriaco cómme fósse vino.

• Artist:Totò