L'autrier, a l'issida d'abriu [Italian translation]

L'autrier, a l'issida d'abriu,

En uns pasturaus lonc un riu,

Et ab lo comens d'un chantiu

Que fant l'auzeill per alegrar,

Auzi la votz d'un pastoriu

Ab una mancipa chantar

Trobei la sotz un fau ombriu:

"Bella, fich m'ieu, pois Jois reviu

. . . . . . . . . . . .-iu

Ben nos devem apareillar.

-- non devem, don, que d'als pensiu

Ai mon coratg' e mon affar.

--Digatz, bella, del pens cum vai

On vostre coratges estai

--A ma fe, don, ieu vos dirai,

S'aisi es vers cum aug comtar,

Pretz e Jovens e Jois dechai

C'om en autre no·is pot fiar.

D'autra manieira cogossos,

Hi a rics homes e baros

Qui las enserron dinz maios

Qu'estrains non i posca intrar

E tenon guirbautz als tisos

Cui las comandon a gardar.

E segon que ditz Salamos,

Non podon cill pejors lairos

Acuillir d'aquels compaignos

Qui fant la noirim cogular,

Et aplanon los guirbaudos

E cujon lor fills piadar.

• Artist:Marcabru