Last Night I Had the Strangest Dream [Esperanto translation]

Ĉi nokte sonĝon sonĝis mi.

Ho ! ke ĝi estu ver’ ;

Ke regas ne milito plu,

Sed paco sur la ter’.

Pri konferenco sonĝis mi,

Ŝtatestra grandkunven’.

Konfirmis dokumenton ĝi

Per la subskribo jen.

Ne plu ekzistas militist’,

Ne plu la armilar’.

Nun ĉiu estu pacifist’,

Por l’ bono de l’ homar’.

Kaj sur la stratoj ĝoja kri’

Eksonas ĉie nun ;

Por tuthomara famili’

Nun ĉie brilas sun’.

Ĉi nokte sonĝon sonĝis mi.

Ho ! ke ĝi estu ver’ ;

Ke regas ne milito plu,

Sed paco sur la ter’.

Ĉi nokte sonĝon sonĝis mi.

Ho ! ke ĝi estu ver’ ;

Ke regas ne milito plu,

Sed paco sur la ter’.

• Artist:Ed McCurdy