Le Chemin des forains [Breton translation]

Toullet o deus an noz

gant ul luc'hedenn a bailhour arc'hantet.

Deut int evit terriñ an enoe

e-pad un abardaevezh, e pennoù an dud,

o tañsal war un neudenn, o vale war o daouarn.

Emaint o vont d'ober troioù mat da derriñ o c'heinoù,

an termaji.

Sonerezh dindan ar pevar avel,

ur marmouzig desket

o chaokat ur graoñenn kelvez en ur huñvreal

war skoaz ur soner kozh,

na huñvre en tra, eñ.

Toullet en deus an noz

gant ur mell c'hoarzhadeg kemmesket gant gouladennoù

Torret o deus an enoe

gant heklev o foan o-unan.

Gwenneien o deus kemeret e flac'h o dornoù;

troñset o deus o stal hag aet int gant o hent,

an termaji

O jestroù a vugale laouen

hag o dilhad burzhudus

'zo garanet da viken e-barzh daoulagadoù

klapezeien eus ar gêriadenn gouskedik

'zo o vont da huñvreal an nozvezh-pad.

Huñvreal an nozvezh-pad

en ul luc'hedenn a bailhour arc'hantet

deut evit terriñ an enoe

e kalonoù ha pennoù an dud.

Met serriñ 'ra an deñvalijenn e korn an hent,

ha n'oar nemet Doue e pelec'h e vint warc'hoazh,

an termaji

o vont-kuit e-kreiz an noz.

• Artist:Édith Piaf