Le vingt-deux septembre [Breton translation]

D'an eil-warn-ugent a viz Gwengolo oc'h aet d'an Diaoul pellañ,

hag abaoe se, d'an hevelep deiziad

e souben ma mouchouer e koun ouzhoc'h.

Ha setu-ni adarre d'an deiz-se, hogen diseblant e choman:

n'em eus ket an disterañ daeraouenn da lakaat d'am malvinier:

An eil-warn-ugent a viz Gwengolo, ne ran foutre forzh outañ hiziv an deiz.

Ne vo ket gwelet c'hoazh, d'ar mare an delioù sec'h

an ene daonet-se 'zo hañval din, hag a zoug kañv

da bep delienn, e koun ouzhoc'h.

Ra deurvezo Prévert kaezh hag e velc'hwed-krogennek

ober hepdon evit douarañ o delioù.

An eil-warn-ugent a viz Gwengolo, ne ran foutre forzh outañ hiziv an deiz.

Gwechall, o tisplegañ ma divrec'h evel ur re a eskell,

e pignen betek an oabl evit mont war lec'h d'ar wennilienn,

hag e torren ma eskern, e koun ouzhoc'h.

Sorc'henn Ikar a tec'h diouzhin bremañ:

o vont kuit, ne ray ket ar wennilienn an Diskar-Amzer ken.

An eil-warn-ugent a viz Gwengolo, ne ran foutre forzh outañ hiziv an deiz.

Skoulmet gant aked dre un tamm eus ho tantelez

em boa, war brim ma frenestr ur bod melenigoù 1

a zouren gant daeroù e koun ouzhoc'h.

Emaon o vont d'o frofañ d'an den marv kentañ a dremeno.

N'on ket barrek diouzh eñvorioù peurbadel bremañ.

An eil-warn-ugent a viz Gwengolo, ne ran foutre forzh outañ hiziv an deiz.

Ne dremeno ket an tammig kalon bet chomet din

ar Gehedez gañvaouus hiviziken

en ur lammat diroll e koun ouzhoc'h.

Dislonket en deus e flammenn, hag emañ e c'hlevezenn o vervel:

a-vec'h e c'hellfed krazañ peder c'histinenn warni.

An eil-warn-ugent a viz Gwengolo, ne ran foutre forzh outañ hiziv an deiz.

Ha trist eo bezañ hep tristidigezh ken heptoc'h.

1. "Immortelles" e galleg.

• Artist:Georges Brassens
• Album:Les copains d'abord