لێم ببورە [Lem Bbura] lyrics

گیانە وتت ناوم بێنە، بە گۆرانی

بۆ یادە شەو، بۆ دووری من

زۆر گریاوی

بەڵام چی بکەم ئاخ کە ناتوانم

ناوت بێنم پڕ بە زمانم

لێم ببورە، لێم ببورە

لە هەموو ئاهەنگی شەوانم

نۆتەی ناوت بەدی دەکرێت

لە هێڵەکانی لەپی دەستم

پەی بە ئەدرێسی تۆ دەبرێ

لە لێدانی خورپەی دڵم

دەزانن چۆن دێیت و دەڕۆی

کاتێ فرمێسکم دەبینن

تێدەگەن تۆ لە کوێ خۆت دەشۆی

گیانە گەر دوای سەد ساڵ گۆڕم هەڵکەنی

دەبینی هێشتا کە دڵێک ماوە

ئەویش یادگاری ئەشقی خودایە

چونکە ناوی تۆی لێ نووسراوە

گیانە ببورە کە ئاوایە

وەرزی ئێمە ڕەشەبایە

گیانە لە هەر کوێیەک گوڵێک بڕوێت

هەزاران دڕکی لەگەڵدایە

• Artist:Ziad Asad