Lettu 'e Linna [English translation]

Cun sa luna custa notte

carignende so su mare,

cun sas néulas de prata

eo preghende so su chelu.

Cun sas néulas de prata

eo preghende so su chelu.

Giovaneddos istade atentos

chi su mundu est tropu malu,

sa farina ch’est girende

no est cussa pro fagher pane.

Sa farina ch’est girende

no est cussa pro fagher pane.

Dromi, dromi in lettu 'e linna.

Adiu giogos, adiu allegria.

Fiza mia innotzente,

l’est costada tropu cara

cussa néula bianca:

cun sa molte l’as pagada.

L’as pagada cun sa molte

cussa néula bianca.

T’an dadu oro biancu,

ciculate de licare,

leadu t’an s’isperàntzia

de sa prima pitzinnia.

Leadu t’an s’isperàntzia,

dromi, dromi, fiza mia.

Dromi, dromi, fiza mia.

Adiu giogos, adiu allegria.

Custa no est farina 'e pane

e ne signu de fortuna

e ne donu 'e paradisu

ma est piantu de dolore.

E ne donu 'e paradisu

ma est piantu de dolore.

Dromi, dromi in lettu 'e linna

Dromi, dromi, fiza mia

Dromi, dromi, fiza mia

• Artist:Duo Puggioni