لو بتحب حقيقي صحيح Lo Bt'hib ha'ee'i saheeh lyrics

لو بتحب حقيقي صحيح

كنت وقفت فى وش الريح

كنت ما سيبتش قلبي جريح

وسط النار

لو كان قلبك لسه برئ

تحكم ظلم ازاى فى برئ

وتسيب قلبي لوحده غريق

فى التيار

لو بتحب حقيقي بقلبك

كنت عرفت تخاف على حبك

كنت ما تترددش ثواني

انك تسكن بين احضاني

مش فى دقيقة تروح تنساني

بدون اعذار

لو حبتني ماكنتش تقدر

تجرح قلبي فى حبك اكتر

اكتر ما تحملت عذابك

واستنيت بدموع على بابك

يبقى نصيبي اعيش فى عذابك

ليل ونهار

اتحملت معاك فوق طاقتي

كان اخلاصي هو خطيئتي

كان احساسي انك مش ليا

صدمة حقيقي كبيرة عليا

كان احساسي بغدرك بيا

كله مرار

لو حبتني كنت تضحي

كنت ما تتسببش فى جرحي

كنت ما تقتلنيش فى عواطفي

كنت رحمتني لحظة ضعفي

كنت وقفت معايا فى صفي

وأنا بنهار وأنا بنهار وأنا بنهار

• Artist:Hani Shaker