Luntano 'a te lyrics

Me so’ 'mbarcato a bbuórdo a nu vapóre

pe me scurdà na brutta 'nfamità.

Na fémmena birbante e sènza còre,

m'ha miso 'ncòpp'o punto 'e me dannà.

E mo, ca stóngo 'ntèrra furastiéra

luntano, nun l'avésse cchiù penzà...

Io chiagno tutt'o juórno e, quanno è 'a séra,

m'addòrmo stanco muórto d'a chiammà.

Luntano 'a te, quanta malincunia;

luntano 'a te, gnornò nun pòzzo stà.

St'ammóre, ojnè, cómme na malatia

me struie; aimè, cèrto m'accidarrà!

Tu si’ felice; 'o ssaccio, mo

vuo' bbène a n'ato:

e t'ê scurdate tutt'e vase

date a mme?

Luntano 'a te, io mòro 'e gelusia;

luntano 'a te nun pòzzo cchiù campà!

Vurria turnà, ma po me dice 'o còre:

ojh giuvinòtto amante nun turnà;

chélla mo dòrme 'mbraccio a n'ato ammóre,

'o nòmme tujo s'è scurdato già.

Nun t'a piglià, ch'a colpa nun è 'a sôja;

quanno è destino, nun se pò cagnà!...

nun c'è che fà: si chésta è 'a cróce tôJa

pòrtala cu paciénza e carità.

Luntano 'a te nun pòzzo cchiù campà!

• Artist:Totò
• Album:Totò mùseca (1955)