Ma 'tiote brouette lyrics

Ayant eu un gardin

Dins z'in faubourg eud'Lille

mi, j'troufe m'namus'mint

D'cultiver in famile

L'sam'di après-midi

Comm'on fait s'maine inglaisse

Au lieu rester su' s'chaisse

Gai'mint, nous v'là partis

Poussant m'petit' brouette

J'marche l'premier

Derrière, m'femm' Nénétte

Porte l'louchet

L'biau pèr' porte l'ratiau

M'biell' mèr' mes biaus sabots

Min cousin Zéphirin

Suit in saquant l'tonniau d'purin

Avant j'étos coqu'leu

Passioné pou' l'manille

J'étos mêm' coulonneux

Et j'péquos à zanguilles

A ch't heure, ah! queu'cang'mint

Quand j'pins que chaqu' dimanche

Tout in r'troussant nos manches

On va tous au gardin

Poussant m'petit' brouette

J'marche l'premier

Derrière, m'femm' Nénétte

Porte l'louchet

L'biau pèr' porte l'ratiau

M'biell' mèr' mes biaus sabots

Min cousin Zéphirin

Suit in saquant l'tonniau d'purin

Quand par les soirs d'été

On r'vient du gardinache

On est toufis fiété

Avec notre équipache

Derrièr' note attiral

Les goss's nous suiv'nt dins l'rue

Criant : "ah! hue, ha! hue"

Ah ! ch'est original

Poussant m'petit' brouette

J'marche l'premier

Derrière, m'femm' Nénétte

Porte l'louchet

L'biau pèr' porte l'ratiau

M'biell' mèr' mes biaus sabots

Min cousin Zéphirin

Suit in saquant l'tonniau d'purin

On a tell'mint d'succès

Qu'laut' jour, passant grand'plache

V'là qu'j'attrape un procès

A cause d'tout ch'tapache

Un gros sous-brigadier

D'un air autoritaire

Nous dit : "chez l'commissaire

V'nez, on va s'espliquer"

Poussant m'petit' brouette

J'marche l'premier

Derrière, m'femm' Nénétte

Porte l'louchet

L'biau pèr' porte l'ratiau

M'biell' mèr' mes biaus sabots

Min cousin Zéphirin

Suit in saquant l'tonniau d'purin

Arrivé dins l'bureau

J'ai fait de l'rouspétance

J'les z'ai traités d'martiaux

Mais j'ai r'chu eun' biell' danse

Et, nom de nom, l'pus biau

Cha n'est point eun' carotte

V'là qu'on nous met les m'nottes

Et in rout' pou' l'hostau

Poussant m'petit' brouette

J'marche l'premier

Derrière, m'femm' Nénétte

Porte l'louchet

L'biau pèr' porte l'ratiau

M'biell' mèr' mes biaus sabots

Min cousin Zéphirin

Suit in saquant l'tonniau d'purin

Ouais, mais, deux jours z'après

Ayant su ch'lavinture

V'là qu'arrif' tout exprès

L'minist' d'agriculture

M'ouvrant l'port' de l'prison

Ch't homm', point pus fier qu'un aute

Epinglo su'm'capote

Eun' biell' décoration

Poussant m'petit' brouette

J'marche l'premier

Derrière, m'femm' Nénette

Porte l'louchet

L'biau pèr' porte l'ratiau

M'biell' mèr mes biaus sabots

L'minist et Zéphirin

Suient in saquant l'tonniau d'purin

• Artist:French Folk