Ma Belle Si Ton Ame lyrics

Ma belle si ton ame

Se sent or allumer

De cette douce flame

Qui nous force d'aymer,

Allons contans,

Allons sur la verdure,

Allons tandis que dure

Nostre jeune printemps.

Avant que la journee

De nostre age qui fuit

Se sent environee

Des ombres de la nuit,

Prenons loysir

De vivre nostre vie

Et sans craindre l'envie

Baisons nous a plaisir.

Du soleil la lumiere

Sur le soir se desteint,

Puis a l'aube premiere

Elle reprend son teint.

Mais nostre jour,

Quant une foys il tombe,

Demeure sous la tombe,

Y faisant long sejour.

Ca, finette affinee

Ca, rompons le destin,

Qui clot nostre journee

Souvent des le matin.

• Artist:Owain Phyfe