مخاصمني بقاله مدة [Makhasimni Ba2alo Modda] lyrics
Songs
2024-11-02 11:30:09
مخاصمني بقاله مدة [Makhasimni Ba2alo Modda] lyrics
مخاصمنى بقاله مده
وف ليله الشوق نادانى
كلمته سمعت حسه
وقفلت السكه تاني
اكمنه يا ناس واحشني
وخصامه كمان حايشني
كلمته سمعت حسه
وقفلت السكه تاني
باليل والدنيا ضلمه
دورت نمرته
وسكت ما قلت كلمه
وانا باسمع همسته
قال: أيوه الو..مين ؟
وانا بايدي اليمين
خدت السماعه ابوسها
وقفلت السكه تاني
وفتحت الراديو مره
على غنوه بتعجبه
سبت التليفون عليها
وانا بقصد اغلبه
كل كلمة حب حلوة قولتهالي"
"كل همسة شوق بشوق سمعتهالي
سمعها للنهايه
وفرحت انه معايا
من غير ما هو يعرف
وقفلت السكه تاني
وف مره جم صحابي
خليتهم يطلبوه
وغمزت لهم بعيني
يعني عني اسألوه
سألوه قام قال كلام
مافيهوش سيرة الخصام
اتطمن قلبي حبة
وقفلنا السكة تاني
شايفين يا ناس عشانه
انا دايما باعمل ايه؟
اطلبه واشمعنى هوه
ما طلبش مره ليه؟
ياريت يطلب ويقفل
يعمل زي ما باعمل
هاعرف انه فاكرني
لو قفل السكه تاني
- Artist:Shadia