Mamma lyrics

M’hai lassaddu tristhi, m’ai lassaddu sora,

all’imprubisu a ischuminzà a pignì:

tenimi la manu forthi, mè figliora,

m’ammentu ancora abì dittu cussì.

E lu mondu intreu pari mi caggi a poggu a poggu,

un pezzu di cori si n’anda cussì.

Ma tu sei cun me, ti juru chi t’intendu,

t’abìa prumissu no dubìu mullà

e lu sai chi abà drentu v’è lu tuimmentu,

dammi la fozza a pudellu affruntà.

Canti volthi fabeddu di te a la jenti,

mamma no ti possu mai dimintiggà.

T’hai pigliaddu la vidda, li sogni e chisthu mè cori,

cantu mi manchi mamma,

senza di te eu mi perdhu, no mi doggu pazi,

è una firidda manna.

Ma soggu chi sei cun me, chi mi voi bè,

soggu chi sei affaccu a me e mi voi bè.

Pensu a cosa dizì, pensu a ugna mamentu,

mi l’hai insignaddu cun siriniddai

ma Deu t’ha vuruddu, no z’ha daddu lu tempu,

chissu no mi lu pardhuneggiu mai.

La prumissa chi oggi eu ti vogliu fa

è chi in chistha vidda ti probu a assumiglià.

T’hai pigliaddu la vidda, li sogni e chisthu mè cori,

cantu mi manchi mamma,

senza di te eu mi perdhu, no mi doggu pazi,

è una firidda manna.

Ma soggu chi sei cun me, chi mi voi bè,

soggu chi sei affaccu a me e mi voi bè.

Ma soggu chi sei cun me, chi mi voi bè,

soggu chi sei affaccu a me e mi voi bè.

• Artist:Fabrizio Casu