Margherita [Albanian translation]

Unë s'mund të rri në një vend

me duart kryqëzuar

Shumë gjëra duhet të bëj

para se të vijë e nesërmja...

E nëse ajo është duke fjetur,

unë nuk mund të pushoj

Do bëj që në zgjim

mos më harrojë dot më

Që kjo natë e gjatë

mos jetë më e zezë se e zeza,

bëhu e madhe, e ëmbla hënë,

dhe mbushe qiellin e tërë...

Dhe që ajo buzëqeshja e saj

të mund të kthehet pësëri,

shkëlqe diell në mëngjes nesër

si kurrë ndonjëherë

Dhe që pastaj ta bëj të këndojë

këngët që ka mësuar,

unë do t'i ndërtoj një heshtje

që kurrë askush s'e ka dëgjuar...

Do të zgjoj të gjithë dashnorët

do të flas për orë tëra

Le të përqafohemi më fort

sepse ajo e do dashuri

Pastaj të vrapojmë nëpër rrugë

dhe të fillojmë të vallëzojmë

Sepse ajo e do gëzimin

Sepse ajo e urren mllefin

Pastaj me kova boje

të ngjyrosim gjithë muret,

shtëpitë, rrugicat dhe pallatet,

sepse ajo i do ngjyrat

Le të mbledhim gjithë lulet

që mund të na japë pranvera,

t'i ndërtojmë një djep

që të dashurohemi në mbrëmje

Pastaj ngjitemi lart në qiell

dhe i marrim një yll,

sepse Margarita është e mirë,

sepse Margarita është e bukur,

sepse Margarita është e ëmbël,

sepse Margarita është e vërtetë,

sepse Margarita dashuron,

dhe e bën një natë të tërë.

Sepse Margarita është një ëndërr,

sepse Margarita është kripa,

sepse Margarita është era,

dhe s'e di që mund të të bëjë keq,

sepse Margarita është gjithçka,

ajo është çmenduria ime.

Margarita, Margarita,

Margarita tani është e imja,

Margarita është e imja...

• Artist:Riccardo Cocciante
• Album:Concerto per Margherita (1976)