مي مي [May May] [English translation]

[اللازمة]

مي مي يا ما أحلاها تربي عروسة

وتجري وراها وتقول لها طي طي

تعقد قربيطة في شعرها

وبابا في حضنه يكبرها

ويسميها مي مي

قلي آش نهدي لك؟

قلي آش نشري لك؟

ما يغلى على بنتي شي

[المقطع الأول]

اشريلي يابابا من عند العطار

نجمة تلمع تلمع، تلمع ليل نهار

خليها تحط على يدي وما تخافش من حتى شي

وتبوس الوردة على خدّي وتقلّي نحبّك يا مي

يعيش بنتي يعيش بنتي النجمة ما تتشراش

لو نقدر نشريها لبنتي نخليها وما نشريهاش

قلي علاش؟ قلي علاش ؟

قول لها يا بابا علاش

على خاطر إنت يا مي نجمة أحلى من الأخرين

وبابا طول عمره يامي في قلبه فنان حنين

ممكن يصور لك نجمة على ورقة والا في نغمة

لكن ما يقدرش يراها محبوسة بين اليدين

النجمة يابنتي ماهي ملك لحد

وممكن ممكن تطفى لو تلمسها الإيد

أحسن لينا وأحسن ليها تبقى حرة تضوى علينا

نحلم بيها وتحلم بينا ونحبك يامي

اللازمة

[المقطع الثاني]

اشريلي يابابا من عند البياع

عصفورة نسكنها في قفيص لماع

خليها تاكل من يدي ومتخافش من حتى شي

وتبوس الوردة على خدي وتقلي نحبك يامي

يعيش بنتي يعيش بنتي العصفورة نحبسها لواش؟

لو نقدر نشريها لبنتي نخليها وما نشريهاش

قلي علاش؟ قلي علاش؟

قول لها يا بابا علاش

على خاطر إنت يا مي عصفورة وعندك جناحين

وبابا طول عمره يامي في قلبه فنان حنين

ممكن يوصف لك عصفورة في كلمة والا في صورة

لكن ما يقدرش يراها محبوسة بين اليدين

العصفورة يابنتي مسكنها الأغصان

وتبكي لما تغني من وسط القضبان

أحسن ليها وأحسن لينا تبقى حرة تغني علينا

نحلم بيها وتحلم بينا ونحبك يامي

اللازمة

[المقطع الثالث]

ما نحبش يابابا غير صدرك الحنين،

خواتي وانت وماما في قلبي عايشين

تكفيني أنا محبتكم ما تشريلي حتى شي،

أنا أغلى هدية عندي كي تقلي نحبك يامي

يعيش بنتي يعيش بنتي هالكلمة ما ننساهاش

لو نقدر نزرعها وردة نزرعها وما نقطفهاش

قلي علاش؟ قلي علاش؟

قول لها يا بابا علاش

على خاطر إنت يا مي مزروعة في ممو العين

وبابا طول عمره يامي في قلبه فنان حنين

يتمنى يكمل الحكاية ويخلي لك بعده غناية

تتفكر بيها أيامه كي تسمعها بعد سنين

نحبك يا بنتي يا أحلى من العسل

ومن حبي لك إنت حبيت الناس الكل

إن شاء الله العمر يطول بينا ويفتح وردك في جنينة

والفرحة ترفرف علينا بجناحك يامي

اللازمة

• Artist:Lotfi Bouchnak
• Album:Coral El Merikh