Með Vindinum Kemur Kvíðinn lyrics

Fyrir vestan er veturinn stríður

vokir yfir byggð og tíminn líður.

Með sólvana daga, dapurlegan róm

dreymir ekki alla himnanna blóm.

Vegirnir lokast, veturinn hamast

vörnin er engin, þorpið lamast.

Menn horfa upp í hlíðina, sjá ekki neitt

himinn og jörð renna saman í eitt.

Dag eftir dag snjónum kyngdi niður

dúnmjúk mjöll, þessi hvíti friður.

Í rökkrinu þorpið sýndist svo smátt

svo fór hann að hvessa úr annarri átt.

Og með vindinum kemur kvíðinn

úti er kolsvört hríðin.

Og fjallið það öskrar svo fellur öll hlíðin

og húsin þau hverfa í kófið.

Eitt andartak stóð tíminn kyrr

æddi síðan inn um glugga og dyr.

Hreif burt vonir, reif upp rætur

einhvers staðar engill grætur.

Hvers vegna hér - menn spá og spyrja

spurningar flæða hvar á að byrja.

Fólkið á þig kallar Kristur

kvölin nístir bræður og systur.

Tárin eru leið til að lækna undir

lífið er aðeins þessar stundir.

Gangverk lífsins þau látlaust tifa

og við lærum með sorginni að lifa.

Og með vindinum kemur kvíðinn

úti er kolsvört hríðin.

Og fjallið það öskrar svo fellur öll hlíðin

og húsin þau hverfa í kófið.

Og með vindinum kemur kvíðinn

úti er kolsvört hríðin.

Og fjallið það öskrar svo fellur öll hlíðin

og húsin þau hverfa í kófið

Og fjallið það öskrar svo fellur öll hlíðin

og húsin þau hverfa í kófið.

• Artist:Bubbi Morthens
• Album:alla áttir