Meres Anzenos lyrics

O piantas millenarias naschìas in locu agreste,

pro seculos pesadas chentza nessunu azudu,

b’at arribande istranzos a mudare sas vestes

e si faveddaes tropu bos naran: abarra in ube ses!

Bies una manu aperta e ti diat cherrere azudare,

bies una manu anzena chi diat cherrere

intrare a domo tua.

O predas de sos montes naschìas in cue pro casu,

mugrones e gurturjos meres de cussos locos,

bos cheren tancare pro non bos dare pasu,

non los lassezas facher, chirecae ‘e aperrer sos ocros.

Nos cheren tancare cussos aghidos de vida,

nos cheren tancare sas terras de sos sardos

pro fachere unu parcu.

Benin a cumandare fintzas in locu anzenu,

intran chen’agradare e ti ponen su frenu.

Est ora 'e mogher como si no si fachet tardu,

detzidin sos istranzos pro su populu sardu:

nos fachen su parcu.

Familias chi azes biviu dae su traballu brostu,

isperdìe su bestiamen ca non bos serbit prus:

zente chen’e riguardu chen’e dare unu postu,

a nos lassare morrer pro issos est un azudu.

Bies una manu aperta e ti diat cherrere azudare,

bies una manu anzena chi diat cherrere

intrare a domo tua.

B’at arribande istranzos a mudare sas vestes

e si faveddaes tropu bos naran: abarra in ube ses!

Nos cheren tancare cussos aghidos de vida,

nos cheren tancare sas terras de sos sardos

pro fachere unu parcu.

Benin a cumandare fintzas in locu anzenu,

intran chen’agradare e ti ponen su frenu.

Est ora 'e mogher como si no si fachet tardu,

detzidin sos istranzos pro su populu sardu:

nos fachen su parcu!

• Artist:Istentales