من و دڵ [Min û dil] lyrics

ڕۆژێ من و دڵ بولبولی دڵ شادی چەمەن بووین

هاوڕازی گوڵی گوڵشەن و نەسرین و سەمەن بووین

ئاسکی لە خەما و زادی دەروون دەشت و دەمەن بووین

فارق لە جەفای ڕەوکیژ و لە داو و کەمەن بووین

ئێستا کە بەبێ ڕەونەق و ژاکاوە دڵی من

لەو ڕۆژەوە ڕۆیشتووە تۆراوە دڵی من

هەرچەند دەگەڕێم بێ سەروشوێن ماوە دڵی من

کوا جیلوەیی گوڵ کوانێ سەفا و ڕەونەقی گوڵزار

کوا دیمەنی پڕ نەقش و نیگاری کەژ و کۆسار

کوا مەستی و کوا بادە و کوا شادییەکەی پار

کوا نەرگسی شەهلا و دوو چاوی ڕەشی دڵدار

کەی شەوق و سەفا و شادییەکەی ماوە دڵی من

لەو ڕۆژەوە ڕۆیشتووە تۆراوە دڵی من

هەرچەند دەگەڕێم بێ سەروشوێن ماوە دڵی من

تاوێ لە چنوور تاوێک وەنەوشە و گوڵی سەرکۆ

تاوێ لە هەڕاڵەی گەش و خوێنینی سەر ئاسۆ

تاوێ لە گووڵی سوور و لە گوڵباخ و لە شەوبۆ

گرتوومە سۆراغت گوڵەکەم توخوا لە کوێی تۆ

نەیماوە ئیتر تاقەت و سووتاوە دڵی من

لەو ڕۆژەوە ڕۆیشتووە تۆراوە دڵی من

هەرچەند دەگەڕێم بێ سەروشوێن ماوە دڵی من

• Artist:Mazhari Xalqi