Mir ist verspert der sælden tor lyrics

Mir ist verspert der sælden tor

dâ stên ich als ein weise vor

mich hilfet niht swaz ich dar an geklopfe

wie möht ein wunder groezer sîn

ez regent beidenthalben mîn

daz mir des alles niht enwirt ein tropfe

des fürsten milte ûz oesterrîche

fröit dem süezen regen gelîche

beide liute und daz lant

erst ein schoene wol gezieret heide

dar abe man bluomen brichet wunder

und bræche mir ein blat dar under

sîn vil milterîchiu hant

sô möhte ich loben die liehten ougen weide

hie bî sî er an mich gemant.

• Artist:Walther von der Vogelweide