Մոգական լապտերիկ [Mogakan lapterik] lyrics

Մոգական լապտերիկը գլանակ է դատարկ,

Հայելիներ կան նրա մեջ` բյուրեղներ գունազարդ,

Միայն մի շարժում` կփոխվեն և նրանք,

Նայելիս կտեսնես նոր պատկեր մի հրաշք,

Մոգական լապտերիկ` գույների սիրուն խաղ,

Պատկերներ, որ ստեղծվում ու կորչում են անդարձ:

Մոգական լապտերիկ` գույների սիրուն խաղ,

Պատկերներ, որ ստեղծվում ու կորչում են անդարձ:

Ինչքան ուզում ես ցնցիր ու շարժիր

Պատկերները հին էլ ետ չեն գա նորից:

Գունավոր բյուրեղները չեն գա նախկին դիրքին`

Անկիրք ու սառն է սորուն ապակին,

Գունավոր բյուրեղներ` լույսի տակ խնդուն,

Կույր կույր հանդիպում եք, կույր կույր բաժանվում:

Գունավոր բյուրեղներ` լույսի տակ խնդուն,

Կույր կույր հանդիպում եք, կույր կույր բաժանվում:

Ամեն մարդ փնտրում է իր երկրորդ կեսին,

Որի հետ նոր գույն տա ու փարվի լույսին,

Բայց աշխարհը մեծ է ու մարդիկ շատ քիչ,

Դժվար է գտնել հարազատ կեսին,

Բայց աշխարհը մեծ է, մարդիկ` փոքրաթիվ,

Դժվար է գտնել հարազատ կեսին:

Բայց աշխարհը մեծ է, մարդիկ` փոքրաթիվ,

Դժվար է գտնել հարազատ կեսին:

Կյանքը, ընկերներ, լապտերիկ է կախարդ,

Շուռումուռ է տալիս մարդկանց անշտապ,

Հրճվում է ստեղծած իր պատկերներից,

Երբ որ ձանձրանում է ջնջում է նորից,

Մոգական լապտերիկ է մեր կյանքը կախարդ,

Իսկ մենք ստեղծված մի կարճ ակնթարթ:

Մոգական լապտերիկ է մեր կյանքը կախարդ,

Իսկ մենք ստեղծված մի կարճ ակնթարթ:

Բայց մարդիկ ենք մենք, ոչ թե ապակի,

Անկյանք էլ չենք մենք, այլ մահկանացու

Ու երբ հանդիպում ենք` եկ չբաժանվենք,

Դրանով հաղթենք դաժան մահին մենք,

Ապրենք միասին, մեռնենք միասին,

Մոգական լապտերիկը մանկան խաղ է սին։

Ապրենք միասին, մեռնենք միասին,

Մոգական լապտերիկը մանկան խաղ է սին։

• Artist:Harout Pamboukjian