Mon village englouti [Breton translation]

Ma farrez e strad an dour,

soñj a zeu dezhi eus ar mareoù ken tost ouzhomp

pa nije e-barzh an deiz nevez-savet

trouz lirzhin ar c'hleier.

Ma farrez beuzet e strad an dour,

soñj a zeu dezhi eus trouz an annevioù,

a glevan c'hoazh o heklev

o fraoñval dindan ur golo eonenn,

ha mouezh ar gwez-pupli.

Biskoazh, biskoazh n'hellis e ankounac'haat.

Na kement eñvorennoù beuzet

'zo o c'housk amañ, dindan ar flod digenvez,

abaoe ma veuzas ur stankell villiget

ma zraonienn c'hlas!

Ma farrez e strad an dour,

soñj a zeu dezhi eus traoù dudius,

eus ur garantez a voe ken kaer,

un heol evit ma buhez a-bezh...

Neuze pa sonet en deus ar c'hloc'h kañv,

marv eo ar garantez. Daoust hag e voe-hi hedro?

Ha trist ha divi-kenañ eo ma c'halon,

ma c'hlon, heñvel-tout ouzh ar barrez-se,

ar barrez-se, beuzet e strad an dour,

emaon an hini nemetañ a glev hec'h huanadoù hag he difronkadennoù.

• Artist:Charles Trenet
• Album:Mon Village Englouti (1963)