Mourir pour des idées [Latin translation]

Pro doctrina mori

optima doctrina est.

Paene mortuus sum ego

cum in mente mihi non esset.

Omnes enim quibuscumque in mente fuit,

ingens multitudo,

mortem vociferantes

me aggressi sunt.

ad mihi persuadendum pervenerunt,

itaque proterva musa mea

errores suos deponens

eorum doctrinae haeret,

minimo scrupulo

tamen servato.

Pro doctrina moriamur;

assentio,

tarda tamen morte,

assentio,

tarda tamen morte,

II.

Existimantes moras

periculum non inducere,

ad Campos Elysaeos incedamus

desidioso itinere.

Nam si gradus incitaveris,

fieri potest ut moriaris

pro doctrinis

insolitis cras futuris.

Si vero amara

maestaque existit res quaedam

cum ad manes redit spiritus,

hoc est percipere

iter factum esse via falsa

doctrinaque aberrasse.

Pro doctrina moriamur;

assentio,

tarda tamen morte;

assentio,

tarda tamen morte.

III.

Sancti Ioannes illi ore aureo,

qui martyrium praedicant,

saepius e converso

in mundo morantur.

Pro doctrina mori,

opportune dici potest,

ratio vivendi est illis,

neque ab ea abstinent.

In quacumque factione, vel paene,

sunt qui Mathusalem

vitae longitudine

mox superaturi videntur.

Unde censeo eos

seorsim dicere:

Pro doctrina moriamur;

assentio,

tarda tamen morte;

assentio,

tarda tamen morte.

IV.

Doctrinarum quae requirant

ultimum sacrificium

copias proponunt

sectae omnimodae.

Unde quaeritur

ex imperitis victimis:

pro doctrina mori

bene fiat, pro quibus vero?

Cum ita sit ut omnes

similes inter se sint,

quando eas accedere aspicit

expansis vexillis,

dubietate detentus

sapiens tumbam circumit.

Pro doctrina moriamur;

assentio,

tarda tamen morte;

assentio,

tarda tamen morte.

V.

Si saltem satis essent

clades aliquot

ut finaliter omnia mutarentur!

Postquam tot "Vesperes supremi"

tot capita occiderunt,

Paradisus in terris

vigere debebat.

Aurea aetas tamen

ad kalendas perpetue differtur.

Sitiunt aeterne dei,

satis nunquam habuerunt.

Unde fit mors, mors

iterata semper.

Pro doctrina moriamur;

assentio,

tarda tamen morte;

assentio,

tarda tamen morte.

VI.

Vos vero concitatores bellorum,

vos, Catonis simulatores,

prius morimini:

vobis semitam cedimus.

Deprecor tamen per deos:

sinite ut vivant alii.

Pro divitiis in mundo

vita sola eis est.

Nam, postremo, Sima

satis vigilat:

haud necesse ei est

ut pro ea falx tractetur.

Ne fiant amplius saltationes

cadaverum circum catastas.

Pro doctrina moriamur;

assentio,

tarda tamen morte;

assentio,

tarda tamen morte.

• Artist:Georges Brassens
• Album:Fernande