Mxallafent lyrics

Mxallafent tmura amek i sɣarayent

Mxallafent tsura i fkant i dderya-nsent

Tid i tellin tiwwura i tusna banent

Ma d nekkni s ineggura

Fell-aɣ ttweεeyṣent

S iεeqqayen n lḥemmez

D wid n yibawen

Aqcic di lakul ikummez

Leḥsab yessawen

Tarwa izehren

Tkarrez s "ikumpiyutiren"

Eqmec tiṭ telliḍ-tt tebrez

Leḥsab yefrawen

Internet yezḍa aẓeṭṭa

Am tissist ɣef umaḍal

S wul n lfeṭṭa

N uwreɣ akked wuzzal

Nekkni di qraṭ d ssuṭa

Nḥetteb neqqer mazal

Mxallafent tmura amek i sɣarayent

Mxallafent tsura i fkant i dderya-nsent

Tid i tellin tiwwura

I tusna banent

Ma d nekkni s ineggura

Fell-aɣ ttweεeyṣent

I tarwa-nneɣ nesselmed

Di remḍan win yenwan

Yens di beṛṛa

Yesikked tiwwura igenwan

Timura ur nḥessed

Tarwa-nsent i yeswan

Cergent igenni s lebεed

Ssawḍent ɣer yitran

Di Baykun ula d Kuru

Neɣ di Cap Canaveral

Ulac akukru

Yal wa ɣer tusna yettazzal

Nekkni di Lezzayer nzellu

I nesɛeddey deg uɣerbal

Mxallafent tmura amek i sɣarayent

Mxallafent tsura i fkant i dderya-nsent

Tid i tellin tiwwura

I tusna banent

Ma d nekkni s ineggura

Fell-aɣ ttweεeyṣent

Lḥiǧab am uqiḍun

Lsant teqcicin

Tin i t-yekksen ad tt-bḍun

D acḥal d tireyyacin

Izerfan anda i tt-ṣuḍen

Fsant tlelliwin

Miḥyaf ttḍeggirent s amdun

Qudren tulawin

Ulac qanun el usra

Neɣ le code de la famille

Tameṭṭut teɣra

Maca ad tt-arren di timmi

Mačči am yessis-nneɣ ass-a

I yettaker "GIA" ɛinani

Mxallafent tmura amek i sɣarayent

Mxallafent tsura i fkant i dderya-nsent

Tid i tellin tiwwura

I tusna banent

Ma d nekkni s ineggura

Fell-aɣ ttweεeyṣent

Yiwen n wass ad nbeddel leḥkum

Ad tbeddel tikli

S yidles ad d-nettagem

Tudert nettmenni

S tusna ara nṣeggem

Abrid n tlelli

Abrid yeččebiḥen udem

Talwit d tayri

Lakul ara nebnu

D win yettṛessin azalan

Wid i ɣef ncennu

Teɣzi n leqrun d izegglan

Urǧin i yiwen ad as-neknu

S tdukkli i aɣ-yessemmlalen

• Artist:Ferhat Imazighen Imula
• Album:Tuɣac n tmes d waman (chants du feu et de l'eau)