Na funtana lyrics

Sótt'a fenèsta mia nc'è na funtana

che scórre sèmpe, d'â matina â séra,

che s'allamènta na nuttata sana.

Bèlla figlióla sprùceta e luntana,

è accussì ddóce 'o suónno 'e primmavèra;

ma i' nun dòrmo pe ‘miézo 'e sta funtana.

Canta nu gallo... Sòna na campana,

e i' cónto ll'óre, sènza truvà abbiénto,

cómme a ll'acqua che scórre 'a 'sta funtana.

Stanòtte, siénte, se so' data 'a mana

ll'acqua che scórre e 'a sinfunia d'o viénto...

e aggiu passata na nuttata cana!

Gesù, 'sta casa mia cómm'è stramana!

E 'nce vuléva 'stu lamiénto acuto...

Nun 'a pònno asseccà chésta funtana?

Passa nu juórno, passa na semmana...

e i' nun te véco... e 'o tiémpo va perduto

cómm'a ll'acqua che scórre 'a 'sta funtana.

• Artist:Rocco Galdieri