Nora [French translation]

Aberendi est is ventanas

amirendi est is banderas

e cun fragus e friscura

sulat àteras isperas

Arramada est dònnia arruga

de ispicu, ammenta e froris

e de genti e de coloris

arribbendi est un’arriu

Nora, ni umbra e ni axius

in is ogus sentius

ma gana ‘e istimai

Nora, cun totu is cadenas

de pedras e de prata

pronta est po andai

Luxint is seddas pintadas

de arrùbiu, asulu e aràngiu

e arricendi dònnia stràngiu

is lumeras apicadas

E cun glòrias, fumu e fogu

cara a is gennas de su celu

s’amesturat fidi e giogu,

su chi est crètiu, su chi est beru

Nora est movendi is cambas

e sedas in is ancas

portat po baddai

Nora, in sa cara unu bisu

vidas noas atesu

chi no at bìviu mai

E arriendi pigat a girai e girai

chen’e si podi firmai

e arriendi in tundu sighit a girai

chen’e gana 'e si depi firmai

In sa pratza is sonadoris

cun is didus fendi tramas

sonus, baddus e cantzonis

alluendi atras fiamas

Stringit beni cussa manu

sa mirada aintr'e sa sua

de campuras in beranu

e is disìgius a sa fua

Nora est movendi is cambas

e sedas in is ancas

portat po baddai

Nora, in sa cara unu bisu

vidas noas atesu

chi no at bìviu mai

• Artist:Elena Ledda
• Album:Làntias (2018)