Nunnale lyrics

Sas fozas nd'achirraban dae sas piantas,

Parìan mariposas in su bentu

Chi bolan lizeras

Chircande unu reparu ube pasare.

Parìat chi s'iberru fìt arribande.

Isteddos chi brillades in sa notte

Bizade su turmentu de chie est solu

Ligadu che animale

Chin su frittu chi li tremet sa carena.

Ma no b'at cristianu chi nd'at pena.

Luna, luna azùdami a chircare

Mare, mare azuda a l'amare

Chin sa cussèntzia bruta chi ti ‘achet male.

Oje no est die de cantare,

Sos ocros so bidende lacrimare.

Sa zente in sas carreras

Est pedinde 'e lu torràrene a sa mama.

Invanu an allutu una candela.

Cando un amicu si'che morit

Si sican sas rosas sas prus bellas

B'arrean sas ispinas

Chi ti punghen sa carena e i‘su coro

De sàmbene a dolores e lamentos.

Luna, luna azùdami a chircare

Mare, mare azuda a l'amare

Luna, luna azùdami a chircare

Mare, mare azuda a l'amare

Chin sa cussèntzia bruta chi ti ‘achet male.

• Artist:Lucianu Pígliaru
• Album:Jubilos