O gloriosissimi lux vivens angeli [Italian translation]

O gloriosissimi lux vivens angeli,

qui infra divinitatem

divinos oculos

cum mistica obscuritate

omnis creature aspicitis

in ardentibus desideriis,

unde numquam

potestis saciari:

O quam gloriosa

gaudia illa vestra

habet forma,

que in vobis est

intacta ab omni pravo opere,

quod primum ortum est

in vestro socio,

perdito angelo,

qui volare voluit

supra intus latens

pinnaculum Dei,

unde ipse tortuosus

dimersus est in ruinam,

sed ipsius instrumenta casus

consiliando facture

digiti Dei instituit.

• Artist:Hildegard von Bingen