O tu suavissima virga [German translation]

O tu suavissima virga

frondens de stirpe Jesse,

O quam magna virtus est

quod divinitas

in pulcherrimam filiam aspexit,

sicut aquila in solem

oculum suum ponit:

Cum supernus Pater claritatem Virginis

adtendit ubi Verbum suum

in ipsa incarnari voluit.

Nam in mistico misterio Dei,

illustrata mente Virginis,

mirabiliter clarus flos

ex ipsa Virgine

exivit:

Cum supernus Pater claritatem Virginis

adtendit ubi Verbum suum

in ipsa incarnari voluit.

Gloria Patri et Filio et Spiritui

sancto, sicut erat in principio.

Cum supernus Pater claritatem Virginis

adtendit ubi Verbum suum

in ipsa incarnari voluit.

• Artist:Hildegard von Bingen