Ota so‘zi lyrics

Derazadan tushgan nurda

O`g`lim, mening ko`zim bor.

Elga qilgan savobingda

Bilki, yorug` yuzim bor.

Gar g`aflatdan yiroq ersang,

Vujudingda o`zim bor.

Bolam, otam o`lgan dema,

Men o`zingda yashayman.

Kim ortingdan duo qilsa,

Men izingda yashayman. (x2)

Bandasidan qo`rqma, bolam,

Qo`rqqin faqat Xudodan.

Yukinmagin sen har kasga,

Shafqat tila Allohdan.

Rosti o`lmoq – kulib ketish,

Bu yolg`onchi dunyodan.

Bolam, otam o`lgan dema,

Men o`zingda yashayman.

Diling-tiling bir bo`lsa gar,

Men so`zingda yashayman. (x2)

Farzand inson ortidagi

Yonib qolgan chiroqdir.

Chiroq yoqsang, parvonaman,

Ruhim mening uyg`oqdir.

Sen unutma, oxiratda

Har daqiqang so`roqdir.

Bolam, otam o`lgan dema,

Men o`zingda yashayman.

Jondan aziz suygan o`gling,

Ham qizingda yashayman. (x2)

Umr o`zi – oqar daryo,

To`g`oni bu o`limdir.

Qaro yerga bo`sh kirgan

Mening ikki qo`limdir.

Allohning yerda soyasi –

Islom mening o`glimdir.

Tinch bo`lsa gar xalqing, yurting,

Men o`zingda yashayman.

Halol bo`lsa topgan noning,

Men tuzingda yashayman. (x2)

Derazadan tushgan nurda

O`g`lim, mening ko`zim bor.

Elga qilgan savobingda

Bilki, yorug` yuzim bor. (x2)

• Artist:Yulduz Usmonova