Ota [Turkish translation]

Ketmoq uchun kelarkan odam,

Bir zumda ham o`larkan odam.

Toshlarni darz yormoqda nolam,

Saratonda sovqotdim, otam-ey,

Sizni qandoq yo`qotdim, otam.

Yashnab turib, qurisa bog`im,

Yonib turib, o`chsa chirog`im.

Qanday ketsin yurakdan dog`im-ey,

Deyman: otam qayon ketdilar,

Derlar: otang ayon ketdilar.

Deyman: otam qayon ketdilar,

Derlar: otang ayon ketdilar.

Armon toshi og`ir tosh ekan,

Sog`inch yoshi achchiq yosh ekan,

Boqiy baxtga otam bosh ekan,

Otam bizni tashlab ketdilar,

Ko`zimizni yoshlab ketdilar.

Otam bizni tashlab ketdilar,

Ko`zimizni yoshlab ketdilar.

Onajonim mung`ayib qoldi,

Odam g`amdan ulg`ayib qoldi,

Hatto dunyo sog`inchdan toldi-ey,

Mening shunday otam ketdilar,

Mening kunday otam ketdilar.

Yashasangiz bo`lardi axir,

Qaydan keldi shum ajal, baxil?

Yuzlarimda sarg`aydi sabr,

G`am-anduhlar bag`rim tutdilar,

Otam bizni tashlab ketdilar.

Vafo topdi sizdan qanchalar,

Shifo topdi sizdan qanchalar.

Yuragimga nashtar sanchilar,

Ayting, ajal o`qmidi, ota,

Sizga shifo yo`qmidi, ota?

Qiyomatga qoldimi diydor,

Qiyomatdan qandoq xabar bor?

Ishonganim – bir Parvardigor,

Jannatlardan joy bersin, otam,

Sizni qandoq boy berdim, otam.

Jannatlardan joy bersin, otam,

Sizni qandoq boy berdim, otam.

Saratonda sovqotdim, otam,

Sizni qandoq yo`qotdim, otam.

• Artist:Hosila Rahimova