Owê war sint verswunden lyrics

Owê war sint verswunden alliu mîniu jâr !

ist mir mîn leben getroumet, oder ist ez wâr ?

daz ich je wânde ez wære, was daz allez iht ?

dar nâch hân ich geslâfen und enweiz es niht.

nû bin ich erwachet, und ist mir unbekant

daz mir hie vor was kündic als mîn ander hant.

liut unde lant, dârinne ich von kinde bin erzogen,

die sint mir vremde worden rehte als ez sî gelogen.

die mîne gespilen wâren, die sint træge unt alt.

daz velt ist unbereitet, verhouwen ist der walt:

wan daz daz wazzer vliuzet als ez wîlent vlôz,

vür wâr mîn ungelücke wande ich wurde grôz.

• Artist:Ougenweide