Palcoscenico [English translation]

Signo' acalàte

ca je, dimane, nun ce vengo.

Va p''o vico na voce, na stesa

p''e mmaeste ca vonno fà 'a spesa

na carretta ch'è chiena 'e campagna

ll'accumpagna pe tutt''a città

ll'accumpagna pe tutt''a città.

Mo' na sciassa cu'o rrusso e cu'o ggiallo

s'appresenta cu'a museca e 'o ballo

pazzariello è chist'ommo ch'avanza

votta e scanza, cchiú folla se fa.

Puo' dí

ch' 'e strade 'e Napule chesto so'

nu palcoscenico,

puo' dí

ch' 'a ggente 'e Napule chesto vô

nu palcoscenico.

So' scene comiche

so' scene traggiche

mentre se recita

siente 'e cantà

"Napule, Napule, Napule, Na'

acqua fresca, chi s''a beve".

'Npont'ô vico s'apara na festa

passa 'o ruoto, 'o varrile, 'a canesta

comm'arriva na chiorma 'e straniere

che se vede?

Currite, curri'!

Che se vede?

Currite, curri'!

Carulína se scippa cu Rosa

chell'è 'nzista, ma chest'è gelosa

pe nu guappo ca 'nganna duje còre

sti ddoje sore so' bbone 'e murí.

Puo' dí

ch' 'e strade 'e Napule chesto so'

nu palcoscenico,

puo' dí

ch' 'a ggente 'e Napule chesto vô

nu palcoscenico.

So' scene comiche

so' scene traggiche

mentre se recita

siente 'e cantà

"Napule, Napule, Napule, Na'

'e mellune chine 'e fuoco".

Signo' acalàte

ca je, dimane, nun ce vengo.

Acalàte!

• Artist:Sergio Bruni
• Album:Pentagramma napoletano n° 2 (1965)