Palomma 'e notte [Spanish translation]

Tiene mente 'sta palomma,

Comme ggira, comm'avota,

Comme torna 'n'ata vota

'Sta ceroggena a ttentà!

Palummè, chist'è 'nu lume,

Nun è rosa o giesummino,

E tu a fforza ccà vvicino

Te vuò mettere a vulà!

Vattenne 'a lloco!

Vattenne, pazzarella!

Va', palummella, e torna,

E torna a 'st'aria

Accussi' fresca e bella!

'O bbi' ca i' pure

Mm'abbaglio chianu chiano,

E ca mm'abbrucio 'a mano

Pe' te ne vulè caccià?

Caruli', pe' 'nu capriccio,

Tu vuò fà scuntento a 'n'ato

E po', quanno ll'he lassato,

Tu, addu n'ato, vuò vulà.

Troppe core staje strignenno

Cu 'sti mmane piccerelle;

Ma fernisce ca 'sti scelle

Pure tu te può abbrucià.

Vattenne 'a lloco!

Vattenne, pazzarella!

Va', palummella, e torna,

E torna a 'st'aria

Accussi' fresca e bella!

'O bbi' ca i' pure

Mm'abbaglio chianu chiano,

E ca mm'abbrucio 'a mano

Pe' te ne vulè caccià?

Torna, va', palomma 'e notte,

Dint'a ll'ombra addò si nnata!

Torna a 'st'aria 'mbarzamata

Ca te sape cunzulà!

Dint' o scuro e pe' mme sulo

'Sta cannela arde e se struje,

Ma c'ardesse a tutt' 'e dduje,

Nun 'o ppozzo supportà!

Vattenne 'a lloco!

Vattenne, pazzarella!

Va', palummella, e torna,

E torna a 'st'aria

Accussi' fresca e bella!

'O bbi' ca i' pure

Mm'abbaglio chianu chiano,

E ca mm'abbrucio 'a mano

Pe' te ne vulè caccià?

• Artist:Roberto Murolo