Passione lyrics

Cchiù luntana me staje,

cchiù vicina te sento…

Chisà a chisto mumento

tu a che pienze, che faje!…

Tu m'he miso 'int''e vvene

nu veleno ch''è doce…

Nun me pesa sta croce

ca trascino pe te…

Te voglio… te penzo… te chiammo…

Te veco… te sento… te sonno…

È n'anno,

nce pienze ca è n'anno

ca st'uocchie nun ponno

cchiù pace truvà?…

E cammino, cammino,

ma nun saccio addò vaco…

I' sto sempe mbriaco

e nun bevo mai vino.

Aggio fatto nu vuto

'a Madonna d''a Neve:

si me passa sta freve,

oro e perle lle do'…

Te voglio… te penzo… te chiammo…

Te veco… te sento… te sonno…

È n'anno,

nce pienze ca è n'anno

ca st'uocchie nun ponno

cchiù pace truvà?…

• Artist:Mina
• Album:Napoli (1996)