Pengar [Arabic translation]

Ein kan kjøpa seg

mat, men ikkje mathug,

dropar, men ikkje helse,

mjuke sengar, men ikkje svevn,

lærdom, men ikkje vit,

stas, men ikkje venleik,

glans, men ikkje hyggje,

moro, men ikkje glede,

kamerater, men ikkje venskap,

tenarar, men ikkje truskap,

gråe hår, men ikkje ære,

tolege dagar, men ikkje fred.

Skalet av alle ting kan ein få for pengar.

Men ikkje kjernen;

det er ikkje for pengar fal.

• Artist:Arne Garborg