Pierre [Venetan translation]

Penso a ti

Al tempo dea scuoea co noialtri:

Magro, paideto, un fià svanìo.

Ti gèri xa cussì difarente da noialtri,

Tristo...

Penso a ti.

Me ricordo: ridevimo tra noialtri

de chei òci da putèa,

De chea strana dolcessa tua,

Tristo...

Pierre te go rivisto

Stasera e ti...

Ti sbassi i òci,

Ti te scondi e pò

Ti va via.

Scusime

Se te go sgamà, ma

Sóto el mascara i òci xe i tui.

No ti te arendi a un corpo che no ti vól,

Senti...

Pierre, son cressùo, go capìo, sa...

Mi te porto rispeto, resta come che ti xe,

Ti che ti pól.

Pierre, son cressùo, go capìo, sa...

Mi te porto rispeto, resta come che ti xe,

Ti che ti pól.

• Artist:Pooh
• Album:Poohlover (1976)