Pratobello lyrics

Orgòsolo pro terra de bandidos

Fin'a eris dae totus fis connota

Ma oe a Pratobello tot'unidos

Fizos tuos falados sun in lota

Contra s'invasione militare

Chi a inie fit fachende rota.

Imbetzes de tratores pro arare

Arriban carrarmaos e cannones

E trupas de masellu pro addestrare

Mandados dae sos solitos bufones

Chi cheren chi rinascat sa Barbagia

Cun parcos pro sas muvras e sirbones.

Naran puru chi b’at zente malvàgia

Chi viven de furtos e ricatos

In sa muntagna infida e selvàgia.

Pro che finire custos malos fatos

E dare a sa Sardigna atera via

Custos bufones detzidin cumpatos

De mandarene galu politzia.

Sos contadinos e i’sos pastores

E totu canta sa zente famìa

Isetaban concimes e tratores

Pro aer prus latte e prus pane.

Imbetzes totu an dadu a sos signores,

A Rovelli, Moratti e s'Agacane.1

Povèrinu e miseru s'anzone

Ch'isetat latte dae su mariane:

D'issu poi si preat su bucone.

Orgosolo fiera e corazosa,

Totu canta sa popolatzione

Totu custu at cumpresu e minaciosa

Essit armada ‘e fuste a iscatzare

Cussas trupas fascistas e odiosas

Chi custrint'est in secus a torrare

Lassande sas muntagnas e pranos

Atraversende dae nobu su mare.

Non che banditos ma che partigianos

An dimostrau a sos capitalistas

Chi solu chin su fuste e chin sas manos

Orgosolo che mandat a sos fascistas

Orgosolo che mandat a sos fascistas

1. In custa versione cantada dae Pigliaru “Aga Khan” est mudau in “Berluscone”.

• Artist:Lucianu Pígliaru