Promissas [English translation]

A nobas non si l’at

ca apo fattu una promissa

de andare a pede

a una festa manna.

Homines a bonete

chin sa bèrtula a pala,

feminas in fardetta,

pitzinnas rujas in cara

moghen iscuricande

in fattu a un istendardu,

s’invocan a unu santu

chi siet su fizu sarbu.

Si perden in caminu

andande duos cumpares

chi pro unu fiascu ‘e binu

a tardu an a arribare.

Arbeschet su manzanu

in s’oru ‘e sa miniera

Su priore los atobiat

chin abba e caffetera.

Sa zente ja est cuntenta

pro su chi at cumbinau,

moghen a manu tenta

unu passu torrau.

A duru duru l’at nadu su babbu

che la picare a sa festa a caddu…

Turrone e filindeu,

sa festa est cumintzada,

isetan sos cabaddos

chi falan a s’ottava.

Dae cada punta ‘e locu

atopan bellas ebbas:

tres ziros sun de cresia

ritzos supra ‘e sas seddas.

Sas festas de campagna

fattas chin armonia

torran in pache zente

e astringhen cumparias.

In totu sa Sardigna

sas festas sun uguales,

fattas de tantas missas

e binu in cantidade.

Arbeschet su manzanu

in s’oru ‘e sa miniera

Su priore los atobiat

chin abba e caffetera

Sa zente ja est cuntenta

pro su chi at cumbinau,

moghen a manu tenta

unu passu torrau.

A duru duru l’at nadu su babbu

che la picare a sa festa a caddu…

• Artist:Pierangelo Bertoli