. Psalm 1 [English translation]
Songs
2024-11-30 01:48:09
. Psalm 1 [English translation]
1 אשרי האיש אשר לא הלך בעצת רשעים
ובדרך חטאים לא עמד ובמושב לצים לא ישב
2 כי אם בתורת יהוה חפצו ובתורתו יהגה יומם ולילה
3 והיה כעץ שתול על פלגי מים אשר פריו יתן בעתו
ועלהו לא יבול וכל אשר יעשה יצליח
4 לא כן הרשעים כי אם כמץ אשר תדפנו רוח
5 על כן לא יקמו רשעים במשפט
וחטאים בעדת צדיקים
6 כי יודע יהוה דרך צדיקים ודרך רשעים תאבד
- Artist:King David