. Psalm 4 [Russian translation]

‏4:1 למנצח בנגינות מזמור לדוד

‏4:2 בקראי ענני אלהי צדקי בצר הרחבת לי חנני ושמע תפלתי

‏4:3 בני איש עד מה כבודי לכלמה תאהבון ריק תבקשו כזב סלה

‏4:4 ודעו כי הפלה יהוה חסיד לו יהוה ישמע בקראי אליו

‏4:5 רגזו ואל תחטאו אמרו בלבבכם על משכבכם ודמו סלה

‏4:6 זבחו זבחי צדק ובטחו אל יהוה

‏4:7 רבים אמרים מי יראנו טוב נסה עלינו אור פניך יהוה

‏4:8 נתתה שמחה בלבי מעת דגנם ותירושם רבו

‏4:9 בשלום יחדו אשכבה ואישן כי אתה יהוה לבדד לבטח תושיבני

• Artist:King David