Pulènta e galèna frègia [Polish translation]

Pulenta e galena frègia,

e un fantasma in sö la veranda.

Barbera cumé petròli,

e anca la löna me pâr che sbanda.

Cadrega che fa frecàss,

e buca vèrta che dîs nagót;

dumà la radio sgrafigna l’aria,

e i pensée fan un gran casòt.

L’è menga vèra che nel silenzio

dòrma dumà la malincunìa;

l’è menga vèra che ’n tuscanèl

l’è menga bòn de fa una puesìa.

In questa stanza senza urelògg,

bala la fata, bala la stria;

in questu sît senza la lüüs,

che dîs tücòos l’è dumà l’umbrìa.

Sculta ’l véent che ’l pica a la pòrta,

in crapa una nìgula e in brasc una spórta,

el dîs che ’l g’ha déent un bèl regâl,

me sa che l’è ’l sòlito tempurâl.

Sculta i spiriti, sculta i fulèt,

rampéghen in söl müür e i sólten fö del cassèt,

g’han sö i vestî de quand seri penén,

i ne van, i ne vègnen cunt el büceer del ven.

E la candela la sta mai fèrma,

la se möv cume la memòria.

E anca el ragn sö la balaüstra

ricama ’l quadru de la sua stòria;

la ragnatela di mè pensée

la ciàpa tüt quèl che rüva scià,

ma tanti vóolt la g’ha tròpi böcc

e l’è tüta de rammendà.

La finestra la sbat i al,

ma la sà che pò méa ’nà via.

E i stèl g’han la facia lüstra

cume i öcc de la nustalgìa.

In quèsta stanza sènza nissön,

vardi luntàn e se vedi in facia;

in quèsta stanza de ’n òltro tèmpu,

i mè fantasmi i làssen la traccia.

Sculta ’l véent che ’l pica a la pòrta,

in crapa una nìgula e in brasc una spórta,

el dîs che ’l g’ha déent un bèl regâl,

me sa che l’è ’l sòlito tempurâl.

Sculta i spiriti, sculta i fulèt,

rampéghen in söl müür e i sólten fö del cassèt,

g’han sö i vestî de quand seri penén,

i ne van, i ne vègnen cunt el büceer del ven.

• Artist:Davide Van de Sfroos
• Album:Brèva e Tivàn