Quanno nascette ninno lyrics

Quanno nascette ninno a Betlemme

Era notte e paréa miezojuorno

Era notte e paréa miezojuorno

Maie le stelle lustre e belle

Se vedettero accussì

E 'a cchiù lucente

Jette a chiammà li magge all'uriente

E 'a cchiù lucente

Jette a chiammà li magge all'uriente

Nun c'erano nemice pe la terra

La pecora pasceva c' 'o lione

La pecora pasceva c' 'o lione

C' 'o crapetto se vedette

'O liupardo pazzià

L'urzo e 'o vetiello

E cu lu lupo 'mpace 'o pecuriello

L'urzo e 'o vetiello

E cu lu lupo 'mpace 'o pecuriello

• Artist:Nuova Compagnia di Canto Popolare
• Album:La cantata dei pastori (1977)