Quantu è laria la me zita [Turkish translation]

Quant'è laria la me zita,

malanova di la so vita,

ah laria è, cchiù laria d'idda nun ci nn'è !

Havi li jammi a cucciddatu,

quannu camina s'abbia di latu,

ah! laria è, cchiù laria d'idda nun ci 'nn'è !

Havi la panza ca pari 'na vutti,

quannu camina fa ridiri a tutti,

ah! laria è, cchiù laria d'idda nun ci 'nn'è !

Havi lu nasu ca pari un cannolu,

quannu stranuta ci voli un linzolu,

ah! laria è, cchiù laria d'idda nun ci 'nn'è !

Havi l'occhi a doppiu usu,

unu apertu e l'atru chiusu,

ah! laria è, cchiù laria d'idda nun ci 'nn'è !

Havi li pedi a chicchiricò,

quannu camina fa sì e nò,

ah! laria è, cchiù laria d'idda nun ci 'nn'è !

Havi la vucca nicaredda,

quannu la grapi ci sta 'na guastedda

ah! laria è, cchiù laria d'idda nun ci 'nn'è !

Havi la facci di tavulazzu,

sutta lu nasu ci spunta 'u mustazzu

ah! laria è, cchiù laria d'idda nun ci 'nn'è !

Havi li schianchi grossi grossi,

quannu s'annaca fa tanti mossi

ah! laria è, cchiù laria d'idda nun ci 'nn'è !

Ma in compenso havi li sordi,

chi accummogghianu tutti li mbrogghi!

ah! beddra è, cchiù beddra d'idda nun ci 'nn'è !

• Artist:Italian Folk