Quantu tempo ce vo' lyrics

Se po' arrivà ncopp'â luna

Ma quantu tiempo ce vo'?

Nuje nun vulimmo a nisciuno, a nisciuno

Ma quantu tiempo ce vo'?

Ce stanno sempe sti nuvole

Ca nun ce fanno partì

Ma chi ce 'e manna sti nuvole?

Chi? Nun se riesce a capì

Ha' da passà sta paura

Ma quantu tiempo ce vo'?

Stanno criscenno 'e ccriature

Ma quantu tiempo ce vo'?

Ce stanno sempe sti nuvole

Ca nun ce fanno partì

Ma chi ce 'e manna sti nuvole?

Chi? Nun se riesce a capì

Vuttammo 'e mmane a gghì a faticà

Tanto 'e pparole nun fanno magnà

Fanno sultanto rumore e ce fanno 'mbriacà

Vuttammo 'e mmane e astregnimmo 'o brodo

È fresca l'aria int'ê viche scure

Ma quanto ce vo' ancora?

Pe apparà chisti mure

Ma quantu tiempo ce vo'?

Pe vedè 'o grano ammaturo, ammaturo

Ma quantu tiempo ce vo'?

Ce stanno sempe sti nuvole

Ca nun se mòveno a ccà

Ma chi ce 'e manna sti nuvole?

Quacche vota l'aggi'a ncuntrà

Pe ce guardà dint'all'uocchie

Ma quantu tiempo ce vo'?

Pe ce sanà chesti rrecchie, sti rrecchie

Ma quantu tiempo ce vo'?

Si ce abbastasse 'na musica

Nun me stancasse 'e cantà

Ma nun ce abbasta 'na musica

Quaccheduno s'ha da scetà

• Artist:Eduardo De Crescenzo
• Album:De Crescenzo (1983)