Qui te caret hoc tempore [85] lyrics

(ca. 1150)

1.

Veris dulcis in tempore

florenti stat sub arbore

Iuliana cum sorore.

Dulcis amor!

Refl.

Qui te caret hoc tempore,

fit vilior.

2.

Ecce florescunt arbores,

lascive canunt volucres;

inde tepescunt virgines.

Dulcis amor!

Refl.

Qui te caret hoc tempore,

fit vilior.

3.

Ecce florescunt lilia,

et virginum dant agmina

summo deorum carmina.

Dulcis amor!

Refl.

Qui te caret hoc tempore,

fit vilior.

4.

Si tenerem, quam cupio,

in nemore sub folio,

oscularer cum gaudio.

Dulcis amor!

Refl.

Qui te caret hoc tempore,

fit vilior.

• Artist:Carmina Burana
• Album:Carmina amatoria